لقاء صحفي مع خروف العيد

لقاء صحفي مع خروف العيد
س*· مشا الله عليك اسمنت اوعبيت باللحم شورك مرتاح شن تاكل
·ج* شن ناكل!!!خليها اف سرك قولي شن ماتاكلش ايرصوا فيا بدقيق الفارينه اوعلفت الدجاج اوياخي حتي اليباري وفيتامينات التسمين
س*· المهم رافع اصحيحتك
·ج* وينها بالله الصحه وانا لو كان نجري خطوتين انمد الساني ميتروا ركبتوني الضغط والسكر اوزيد يازايد امخلييني بصوفي امتع عمنول باش نعجب الشاري وانجيب سوم باهي هكي نسمع فيهم ايقولوا
س· شن ايدهشك من الجري اوبعدين لاش تجري شن تبي تشترك في الماراثون
ج*· قتلي علاش ندهش ندهش من هالشحم اللي امكدس علي قلبي و كلاويه اللي تشوف فيه كله شحم راهومش لحم اوهذا سبب الكلسترول اللي تسمع بيه والجري شن تحساب الرياضة خاصة بيكم انتم عليك مخلوقات انانيه بتحسدونا حتى في الرياضه.
س*· باهي خلينا من هالموضوع قوللي شن هي امنيتك في الحياة
·ج* امنيتي لوكانها بالاماني من اليوم نربطك في حبل وانوكلك كان دقيق الفارينه اوعلفة الدجاج او والله مانطلقك برا من حبيله اليا العيد الجاي.
س*· ولكن هذا قدرك ان تكون ضحية العيد.
ج*· انا مانيش نلكر هذا اوعارفه اوراضي بيه لكن اللي واجعني هو انكم ماخليتونيش نتمتع في عمري القصير وحسدتوني فييه ماخليتونيش ناكل مانبي اونرتع كيف نبي جريكم وراء الربح وطمعكم وهلعكم خلاكم تحرموني من ابسط حقوقي كحيوان اوهي اني انعيش صحيح اوناكل اللي نبيه اونرتع في هالدنيا الواسعه اونطلق كريعاتي مش ديمه في الحبابيل من المولد إلي السكين.
س*· باهي لوكان جيت بنادم شن تدير.
ج*· اعوذ بالله فال الله اولافالك ..قالك لوكان جيت بنادم قال..وعلاش تتمنالي اف هالمصيبه شن تحساب مانيش عارف شن امدايرين البنادميه في بعضهم لالا ... الحمد لله اني ماجبتش منهم شوف المذابح اللي امدايرينها اف بعضكم لغباك في مجزرة غزة وبحر البفر اودير ياسين اوقانا الاولى والثانيهاو او صبر او شاتيلا شن انعدلك..
س*· بس المجازر هذى ارتكبها اليهود
·ج* اوشن الفرق انا ناري قيكم اكل ابنادميه اوعتدي زي بعضكم

ههههههههههههههه

حلووة

يسلمووو